a so a angscht
kannsch di no erinnern
an den tag, wo’s das herz zerrissen hat?
da hat da teifl dei herz gnommen
und hat zogen in alle richtungen
und s’hat so unendlich weah tan
da isch die angscht einzogen in dei lebn
und du hasch sie nit megn, dei angscht
des war dei feind, de angscht.
de hat di abizogn, dein magn zsammenkrampft,
und du hasch koa luft mehr kriag
heit ducksch di,
de angscht lasch nimma zu,
du hasch den schmerz nit vergessn,
vergessen hasch lei, dass des dei angscht isch,
de neben dir wartet
und du hasch angfangen
dei leben aufzteilen in alles,
was dia liab isch, damit sie da nimma
alles nemmen kann, dei angscht,
wenn da wieda was passiert.
de angscht ghert dia,
und du hasch da gsagt,
de kontrolliert mi nimma,
daweil isch’s a teil von dia
den’d nit ausschalten kannsch, wie’d mechtesch
jetzt hockt de angscht neben dia
und schaugt da zu
und hin und wieda da spiarsch sie,
und sie wartet, dass’d begreifsch
dass sie a dei freind isch, dei angscht